LlGC Llsgr. Peniarth 35 – tudalen 38r
Llyfr Iorwerth
38r
hynny o uessur ran tir. Penteulu a| dy+
ly ugeint o bob punt a del yr brenhin
am dadleu tir a dayar. A hynny o rann y
brenhin. A dec. keinaỽc. yr distein wir y ue+
lly. Gwedy barner tir a dayar y dyn
ny ellir lludyas kyuran idaỽ o hynny
allan pan uynho na chayedic uo yr am+
ser nac ef ny bo. kyfreithaỽl yỽ idaỽ ef kyfran
pob amser. Ac ny dyly kymryt tir kyn+
nif yn lle priodolder. Ac os kymer a|e
kolli o·honaỽ yn kyfreithaỽl ny dylyir y enill
idaỽ kan kymyrth anilis yn lle dilis.
Ny dyly kyt tiryaỽc talu y gilyd tir
ny bo sỽyd o·honaỽ. yn lle tir y bo sỽ+
yd o·honaỽ Onyt e| hun a|e myn. Ac os
kymer Collet y ureint. Pa haỽlỽr
bynhac a| dyrchauo tyston yn| y dyd y dy+
lyer ac ymdywedỽyt o| kyfreith. A| dyrchauel er+
eill o|r amdiffynnỽ* yn| y erbyn. Sef a dy+
weit y kyfreith. yna na dylyir dỽyn y ardelỽ
y gan neb o·nadunt yny pallo idaỽ. Ac
yna y mae iaỽn gouyn udunt pỽy eu
hardelỽ ac eu tystyon a pha le y maent
ac od| edynt yn| y maes mỽynhaer rei
yr haỽlỽr yn gyntaf. Ac Onyt ydynt
| « p 37v | p 38v » |