LlGC Llsgr. Peniarth 35 – tudalen 59r
Llyfr Cynghawsedd
59r
a gunel o cam o|r pan del er datleu ene
el o·honaỽ neỽ enteỽ re| gemryt gobyr
a guerth gent en erbyn e datleỽ hỽnnỽ.
Neỽ ereỽot egkeghaus gent arnau. O
deruyt e| den keghauset rac bron deu lyn
egnat a dewedut o|r neyll geyr colledyc a
testu o|r llall e| guerda emaes a hep testu
er egnat anolo eỽ e| testyllaeth honno.
cany dely neb o|r dỽy| pleyt en eu braut+
le dewedut dym e| menỽynt mỽynant
o·honaỽ namyn ỽal e| clehuo er egnat
ac ny deleyr tystu rac bron egnat namen
gan e testu er egnat en kentaf ac urth
henne e may anolo y tystolaeth ne tyster
idau ef en gentaf. O deruid e| den en keg+
hauset testu rac bron egnat testu peth
e egnat a guyrda a phan ceysso mỽyny+
ant o|r testolyaeth honno guadu na cycleỽ
ef e testylyaeth honno. Jaun eỽ er den
dỽyn creyryeu athaỽ. ac ony|s cubyl gua+
ta er egnat er creyryeỽ henne byt safedic
e testolyaeth. O deruyd e| den testu peth rac
bron egneit a guyrda a bot rey o|r egneit
en gwadu henne ac ereill en adef egyt
a gurda safedic eỽ e testolyaeth. canys do+
gen eỽ testu e ygnat a guyrda e| meỽn
e| brautle. O deruid llessu egnat o|y ỽot
en ageffredyn en| e maes cen menet e bar+
nu braut ny dau arnaỽ namen e llỽ y
| « p 58v | p 59v » |