LlGC Llsgr. Peniarth 36A – tudalen 63v
Llyfr Blegywryd
63v
wreic or effeirat. ny dyly y mab a gahat
kyn noc ef kyfrannu tir ar diwethaf
kanys yn erbyn dedyf y kahat. Trydyd
yỽ mut. kany dyly tir nyt atteppo dros ̷+
taỽ. kany rodir gỽlat y vut.
TRi dyn a gynnyd eu breint yn vn dyd.
Tayaỽctref y kysseccrer eglỽys yn ̷+
di gan ganhat y brenhin. dyn or tref
honno a uei y bore yn tayaỽc. ar nos
honno yn ỽr ryd. Eil yỽ dyn y rotho
y brenhin vn or or* pedeir sỽyd ar| huge ̷+
int llys breinhaỽl idaỽ. kyn rodi y sỽyd
idaỽ yn vab tayaỽc. a gỽedy y rodi yn
ỽr ryd. Trydyd yỽ; yscolheic y dyd y kaffo
corun yn vab tayaỽc. ar nos honno yn ỽr ryd
TRi gỽerth kyfreith beichogi gỽreic
ynt vn yỽ; gỽaet kyn delwat. ỽyth
a deugeint a tal or collir trỽy greulon ̷+
der. Eil yỽ kyn dyuot eneit yndaỽ or
collir trỽy greulonder. trayan galanas
a telir drostaỽ. Trydyd yỽ gỽedy yd el
eneit yndaỽ; talu cỽbyl oe alanas a dylyir
| « p 63r | p 64r » |