LlGC Llsgr. Peniarth 36A – tudalen 68r
Llyfr Blegywryd
68r
gyntaf or gỽely ym plith dynyon. Dros
y kyntaf y rodir y hamobyr yr arglỽyd.
Dros yr eil y rodir y chowyll idi hitheu.
Dros y trydyd y dyry y that y hegỽedi yr gỽr.
Tri pheth ny ellir eu dỽyn rac gỽreic.
kyt gatter am y cham. y chowyll ae har ̷+
gyfreu. ae hỽyneb·werth os ry guas* kyn
no hynny o gymryt or gỽr wreic arall.
Tri defnyd haỽl yssyd; golỽc a geir a gỽe ̷+
ithret. Tri golỽc a dygir yg|kyfreith. golỽc
tyst oe tystolyaeth. a golỽc managỽr oe
vanac. am lad neu losc neu letrat Tri ryỽ
wallaỽgeir yssyd; geir gỽall yn holi o rỽy
neu eisseu. a geir gỽall yn amdiffyn o
rỽy neu eisseu. a geir gỽall yn gỽadu.
Or kyntaf y kyll haỽlỽr y haỽl or a perthy+
no ỽrth y geir or dygir tyston yn| y erbyn.
ac ny chyll camlỽrỽ. kanyt oes kamgỽyn
kylus eithyr tri. Or eil neu or trydyd y kyll
amdiffynnỽr gamlỽrỽ. a diuỽyn yr haỽl
or a perthyno ỽrth y geir y tystỽyt oe wall.
Tri theruyn haỽl yssyd; gỽadu neu profi.
| « p 67v | p 68v » |