LlGC Llsgr. Peniarth 37 – tudalen 68r
Llyfr y Damweiniau
68r
tal amobyr y uerch ae ebediỽ e
hun. Pob penkerdaỽr or a estyn+
ho arglỽyd penkeirdyaeth yr
arglỽyd bieu keissaỽ offer idaỽ
nyt amgen telyn y un. Crỽth
y arall. Piben yr trydyd. Ac wyn+
teu pan uỽynt uarỽ a dylyant
eu hadaỽ yr arglỽyd. Pob pen+
kerd telyn a dyly y gan y kerdory+
on ieueinc a| uo ỽrth kerd telyn
a mynu ymadaỽ a| thelyn raỽn
a bot yn eirchat. y penkerd a dy+
ly pedeir ar ugeint idaỽ. Ac a
del o bob douot nac o erchi nac o
gyuarỽs neithaỽr Rann deu ỽr
nac ef a| uo yn| y lle nac ef ny bo
a geiff os gouyn. Sef yỽ kyfa+
rỽs neithaỽr. pedeir ar| ugeint.
| « p 67v | p 68v » |