LlGC Llsgr. Peniarth 46 – tudalen 247
Brut y Brenhinoedd
247
ỽr ouyn galỽ myrdin attaỽ a gouyn idaỽ
beth a arỽydockaei y|seren anryued hon+
no. canys yno yr doethoed myrdyn y|ỽneu ̷+
thur pob peth o|e gygor o|r|a berthynei y|r
ymladeu hynny. ac ar hynny ỽylaỽ a
oruc myrdin. ac eissoes galỽ y yspryt at+
taỽ a|dyỽedut ual hynn. O ỽedỽ genydl
y|bryttannyeit. O gollet heb allu y ennill
achos marỽolyaeth emreis ỽledyc an bren ̷+
hin ni. ac o|e uarỽolyaeth y daroedem ni
oll pei na rodei duỽ nerth yn o|fford arall.
ac ỽrth hynny tyỽyssaỽc bonhedic brys+
sya ditheu y ymlad a|thelynnyon canys
y|th|laỽ y|mae y|uudugolyaeth. a|thi a|uyd
brenhin ar holl. ynys. prydein. canys titi a arỽyd+
ockaa y seren a|r dreic tanaỽl ydan y seren.
a|r paladyr ydan y seren yn ymystynnu
dros eithauoed freinc mab a|uyd y|titheu
kyuoethaỽc. a holl teyrnnassoed a|uyd ei+
daỽ. a|r paladyr arall a|arỽydocca merch
a|uyd it. a|meibon honno a|uyd eidunt. ynys.
prydein. ol yn ol. ac yn diannot kyrchu a|oruc
| « p 246 | p 248 » |