LlGC Llsgr. Peniarth 46 – tudalen 251
Brut y Brenhinoedd
251
uot yn gryno yni ymgyuaruot ac ỽyntỽy
y|dyd. canys llei yỽ yn niuer noc ỽyntỽy. ac
ỽrth hynny tra barhao tyỽyllỽch y|nos kyr*+
chỽyn ỽynt yn eu pebylleu. cany|thebygant
hỽy llauassu ohonam ni yn|y kyuyl. ac uelly
gann borth duỽ ni a|gaỽn y|uudugolyaeth.
a|bodlaỽn uu baỽp o|e gygor. a gỽisgaỽ a|ỽna+
ethant a|bydinaỽ. ac o un uryt kyrchu eu
gelynyon yn gyfulym. a gỽedy eu dyuot yn
gyuagos udunt eu harganuot a|oruc y|gwy+
lỽyr o|r gỽerssylleu. a deffroi y ketymeithonn
trỽy sein yr atkyrrnn. rei a|ỽisgei arueu.
Ereill a|ffoei. paỽb ual y|bei y|dyghetuen. ac yna
kyrchu a oruc y|bryttannyeit ar|y|tor y|r peby+
lleu. ac ny dygrynoes y|gelynnyon dim yn|y
herbyn. canys yn gyỽeir yr doethoed y bryt+
tannyeit am|y|penn. ac ỽynteỽ yn amhara+
ỽt diaraf yd oedynt. ac yna y|llas ohonunt
hyt ar uilyoed. a|daly octa ac ossa y geuenderỽ
a|gỽasgaru y|rei ereill o gỽbyl. ~ ~ ~
A C odyna gỽedy y|uudugolyaeth hon+
no yd aeth y|brenhin hyt yg|kaer
| « p 250 | p 252 » |