LlGC Llsgr. Peniarth 46 – tudalen 252
Brut y Brenhinoedd
252
alclut y atneỽydhau tagneued trỽy y|te ̷ ̷+
yrnnas. a chyfyaỽnder a|ỽnaeth dros bop le
yn|y gyuoeth mal na|s gỽnathoed un bren+
hin kynn oc ef. a|thrỽy hoedyl uthur|penn
dragon y ouyn a|uydei ar a|ỽnelhei y|gam.
cany bydei trugared yn|y dial. a gỽedy he ̷+
dychu o·honaỽ yr alban dan y|theruyneu.
odyno yd aeth hyt yn llundein. ac eno y|gos+
sodes ef octa ac ossa yg|karchar a gỽyr neill+
tuedic y|ỽ cadỽ. ac ual yd oed gỽylua y pasc
yn dyuot. anuon a|oruc y|brenhin y|bop|le
dros y|teyrnnas y|dyuynnu paỽb attaỽ o|r
gỽyrda. ierll. a barỽneit. a|marchogyonn
urdolyon hyt yn llundein ỽrth anrydedu yr
ỽylua honno ual y|dylyit. ac y|ỽisgaỽ cor+
on y|teyrnnas am benn y|brenhin. ac y
rodi y|dylyet y baỽp. a|dyuot a|ỽnaeth pa+
ỽp hyt yn llundein ỽrth y|ỽys honno dros
ỽyneb. ynys. prydein. ac anryudedu a|oruc y|brenhin
yr ỽylua honno megys y darparassei gann
leỽenyd. a llaỽen uu gann baỽp ỽelet yỽ*
brenhin yn|y haruoll mor anrydedus a ̷
| « p 251 | p 253 » |