LlGC Llsgr. Peniarth 46 – tudalen 310
Brut y Brenhinoedd
310
nadunt yd ellygỽyt uultei senadỽr. a|cha+
dell uleid. Quintus carucius. ac euander urenhin
siria. Sextorius urenhin libia. ac y|kerdaỽd
y|niuer hỽnnỽ yny gaỽssan le a|uu adas gan+
tunt lechu. a|r bore drannoeth kychỽyn a|or+
uc y|bryttannyeit a|r carcharoryon. a|phann
yttoedynt yn dyuot parth a|r lle yd oed y|pyt
kyuodi a|ỽnaeth gỽyr ruuein a|e kyrchu a|e
gỽasgaru. ac eissoes ket kyrchit y|bryttanny+
eit yn dirybud ny chaffat yn diaruot. gos+
sot rei a|ỽnaethant ỽrth e carcharoryon. ac
ereill y|ymlad. ac ym|blaen y|uydin a|gatỽ+
ei y carcharoryon y|rodet bedỽyr penntru ̷ ̷+
llyat. a rikart. ac y|r lleill y|rodet cadỽr. a
borellus. ac ny|chyeissỽys gỽyr ruuein reol
namyn paỽb yn|y gyueir yn keissaỽ ellỽg
y carcharoryon. a|r bryttannyeit a gollyssyn
y carcharoryon pei na delei gỽittart tyỽyssa+
ỽc peittaỽ a|their mil gantaỽ o|ỽyr aruaỽc
gỽedy cael onadunt urat gỽyr ruuein. ac
gỽedy caffel onadunt y|canhorthỽy hỽnnỽ
talu a|ỽnaethant udunt eu|brat yn|y gỽr+
thỽyneb. ac yna y|dygỽydaỽd borellus tyỽys+
| « p 309 | p 311 » |