LlGC Llsgr. Peniarth 47 rhan i – tudalen 13
Ystoria Dared
13
ohonaw yn llityaỽc. agamemnon a|elỽis y|tyỽys+
sogyonn yg|kygor. a gouyn vdunt eu kyg+
hor. Menelaỽs a|annoges y|vraỽt y|gyỽeir+
aỽ llu y ymlad. ac a|dyỽot na|dylyit aru ̷ ̷+
thraỽ yr esgus ychel. er|na|dylyei y|r vrỽydyr.
a|chadarnhau a|oruc ef nat y|ỽyr troya vn
gỽr arall a uei gynn gadarnnet ac oed ec+
tor diomedes. a|vlixes a|dyỽedassant vot
troilus kynn gadarnnet ac a|uuassei hector.
Calchas deỽin a attebaỽd o|e deỽindabaeth
y|dylyit ymlad. amser brỽydyr a|deuth.
agamemnon. a menelaỽs. ac aiax. a|locrius
a|luneithassant eu llu. Yn y|herbyn y|doeth
gỽyr troya. diruaỽr ladua a|uu o|bop tu.
ymlad yn greulaỽn a|oruc y|deulu. troilus
a|vrathaỽd menelaus. ac a ladaỽd llaỽer o
ỽyr groec. ac a|ymlidyaỽd y|rei ereill. Y|nos
a|ỽahanaỽd y|vrỽydyr. Trannoeth troilus
ac alexandyr a|gyỽeirassant lu. yn eu her+
byn y|doeth gỽyr groec. ymlad a|ỽnaethpỽ+
yt yn ỽychyr o|bop o|bop tu. troilus a|vratha+
wd dyomides. a chyrchu agamemnon a|oruc ef
| « p 12 | p 14 » |