LlGC Llsgr. Peniarth 9 – tudalen 28v
Ystoria Carolo Magno: Rhamant Otfel
28v
t na|s rodei. A bot yn salỽ idaỽ ynteu y
geissaỽ ef. A rolond a erchis idaỽ ef y rodi at+
taỽ ef. Ac ynteu a gymerei arnaỽ y rodi dray+
geuyn idaỽ pan ymwehenynt. A hyt hynny
y differei rac gỽneuthur o neb gam idaỽ yn
oreu ac y gallei. Ac otuel a dywaỽt ỽrthaỽ. Ar+
glỽyd tec heb ef. a|hỽde ditheu ef. Ac adỽlỽyn*
yỽ gennyf it y gadỽ yn da ỽrth na|s rodỽn i.
ef iti yr y seith dinas goreu y|th gyuoeth. ac
ỽrth heuyt y lledir dy ben etwa ac ef. myn vy
ffyd heb y rolond gormod yd ymuelycheist o ra+
gor. Ac na wna bellach hyny. namyn dywet dy
genadỽri. ac odyna kymer genat y uynet dra+
cheuyn. a minheu a wnaf hynny yn llawen
heb ynteu a rodỽch ym ostec. Charlys heb yr
otuel ny|s kelaf ragot kennat ỽyf y garsi am+
heraỽdyr gỽr ys yn kynhal gỽlat yr yspayn.
Ac alisandre. a busi. a|thire. a sidoni. A pheirs. A
barban. Ac y may pob gỽlat yn darestỽg idaỽ
o hyn hyt yn ffeinynie. ef a|erchis it ymadaỽ
a|th cristynogaeth ỽrth nathal vn arllegen.
Ar neb ny chretto hyny yn·vytrỽyd maỽr a wy+
na. a dyuot yn ỽr y mahumet a gỽasanaythu
idaỽ y gỽr ys yn llywaỽ yr holl vyt a|th|niwe+
roed gyt a|thi. Ac o·dyna dyuot attaỽ ynteu. ac
ef a ad it gỽlat auern. a|manancie. a holl porth+
uaeu lloygyr a|y haberoed y tu yma y vor rud.
Ac ef a dyry y rolond dy nei gỽlat russi. Ac y o+
liuer y gedymdeith y wylat a elwir ysclauuue.
Ny at ef
| « p 28r | p 29r » |