Caergrawnt, Llsgr. Coleg y Drindod O.7.1 – tudalen 19r
Llyfr Blegywryd
19r
pob peth or a dylyho y gaffel o gyf+
reith yn|y vaeroni ef. Maer a chyg+
hellaỽr a dylyant gaffel trayan go+
breu merchet bilaeneit y brenhin.
A thrayan eu camlyryeu a thrayan
eu hebediweu. A thrayan yt y saỽl
a ffohont or wlat. A thrayan yr yt
ar bỽyt o pob marỽ·ty tayaỽc. Maer
bieu rannu pob peth. A righill bieu
dewis yr brenhin. Or damweina yr
maer na allo daly ty. kymeret ef
y tayaỽc a dewisso yn|y vaeroni. vlỽy+
dyn or calan mei yr llall. A mỽynha+
et laeth y tayaỽc yr haf. ae yt y
kynhayaf. Ae voch y gayaf. A phan
el y bilaen y ỽrthaỽ. gadet idaỽ pedeir
hych a baed. Ae yscrybyl ereill oll. Ac
ỽyth erỽ gỽanhỽynar. A phedeir erỽ
gayafar. Ar eil vlỽydyn ar tryded
gỽnaet velly o vilaeneit ereill. Ac
odyna ymborthet teir blyned ereill
ar y eidaỽ e hunan. Ac odyna gỽaret ̷+
et y brenhin arnaỽ o rodi bilaeneit
idaỽ yn|y mod gynt. Ny cheiff maer
na chyghellaỽr ran o tỽnc nac o prit
| « p 18v | p 19v » |