Caergrawnt, Llsgr. Coleg y Drindod O.7.1 – tudalen 37v
Llyfr Blegywryd
37v
a uyd etiued or tir oll. Or byd y
perchenhaỽc tir etiued deduaỽl.
ac arall aneduaỽl; y deduaỽl a uyd
etiued o gỽbyl. ar aneduaỽl heb
ran. Or byd y perchenhaỽc tir eti+
ued dianaf. ac arall anafus. megys
dall. neu vydar. neu gruppyl. y di ̷+
anaf a uyd etiued or tir oll. na ded ̷+
uaỽl uo. nac aneduaỽl. cany di+
chaỽn neb vn anafus wneuthur
yn gỽbyl wassanaeth tir y brenhin
yn dadleueu. a lluydeu. Ac or byd
yr anafus hỽnnỽ etiued dianaf;
hỽnnỽ a uyd etiued oe dylyet ef o
tir. Pỽy bynhac a gymero dylyet
dyn anafus o tir; Pryderu yr anaf+
us a oruyd arnaỽ o uỽyt a dillat
tra uo byỽ
OR gomed dyn teir gỽys o bleit
y brenhin am tir ac na del y
atteb yr neb ae gouynho; yr haỽl+
ỽr a dodir ymedyant o·honaỽ. Os
o achaỽs kyfreithaỽl y trigyỽys
ynteu heb dyuot. ef a geiff gỽeres+
| « p 37r | p 38r » |