LlB Llsgr. Ychwanegol 14,912 – tudalen 56r
Ansoddau'r Trwnc
56r
yt a|r ddiaỽt ˄yn y dyn A reit yw rac hynny ar+
uer o|uỽydeu meddal. O byd du neu
goch a|bot megys annw ruddyon yn y gỽaela+
ỽt a|r chỽyssigen yn|dygỽyddaỽ a dolur
ar y|ar·enneu a|dolur yn pissaỽ perigyl
vydd y|r dyn hỽnnỽ O byd pissaỽ my+
nych a hỽnnỽ bop ychydic maen tostedd
a|arỽydockaa ˄y bot yn y vagu. O byd glasỽyn y trỽng
yn yr heint gỽres neu eỽynaỽc neu ̷ ̷
goch a|dyuot gỽaet o|e|ddỽyfroen peri+
gyl marỽ vyd y hỽnnỽ. Dynnyon a
vo gỽann y hafu o bydd gỽynn y trỽng
gỽaeỽ rac ỻaỽ a uenyc. ac o|sumut yn
y|dydyeu hynny kornỽyt a uenyc yn
yr heint gỽres. O byd ỻiỽ golera ar+
naỽ a|e vot yn deỽ a nyỽlen ỽenn ar+
naỽ a|ruddyon gỽynyon arnaỽ yn nof+
yaỽ hir nychdaỽt a uenyc yn yr heint
| « p 55v | p 56v » |