Llsgr. Bodorgan – tudalen 125
Llyfr Cyfnerth
125
thyccyo gofyn tir o|r mod kyntaf nac o|r eil ny
byd hỽyrach no chynt y keffir o|r trydyd. Tri
chamwerescyn yssyd. gỽerescyn yn erbyn y
perchennaỽc o|e anuod a heb vraỽt. Neu were ̷+
escyn trỽy y| perchennaỽc ac yn erbyn y etiued.
o|e anuod a heb vraỽt. Neu werescyn trỽy wer ̷+
cheitwat ac yn erbyn y iaỽn dylyedaỽc o|e an ̷+
uod a heb vraỽt. Perchennaỽc yỽ y neb a vo yn
medu y dylyet dilis. Gỽercheitwat yỽ y neb
a gynhalyo neu a warchatwo dylyet dyn arall.
Tri ryỽ vreint yssyd. breint anyanaỽl. A bre ̷+
int tir. A breint sỽyd. Tri phriodolder yssyd
y pop dyn. Ryỽ. a breint. ac etiuedyaeth. Eti+
uedyaeth hagen hag herwyd breint. breint
herwyd Ryỽ. Ryỽ herwyd y| gỽahan a uyd rỽg
dynyon herwyd kyfreith. megys y gỽahan
a uyd rỽg brenhin a breyr. a rỽg gỽr a gỽreic.
A hynhaf a ieuhaf. Tri llydyn o|r genuein ny
drycheif ac ny ostỽg ar eu gỽerth trỽy y ulỽ ̷+
ydyn. baed kenuein. Ac arbenhic y moch.
A hỽch a gatwer yg kyfeir gỽestua brenhin.
TRi argae gỽaet yssyd. gỽaet o pen hyt
gỽll. gỽaet o gỽll hyt wregys. Gỽaet
o wregys hyt laỽr. Gỽaet o pen hyt laỽr a el+
| « p 124 | p 126 » |