Llsgr. Bodorgan – tudalen 14
Llyfr Cyfnerth
14
ae trayan o|r crvyn yr brenhin. hyt navuet+
dyd racuyr ny cheiff neb ae holho attep y
gan y penkynyd onyt sỽydaỽc llys vyd.
kany dyly neb o|r sỽydogyon gohir dadyl
y| gilyd o|r byd a|e barnho. Ran deu·ỽr a ge+
iff y penkynyd o|r o* crỽyn y gan gynydy+
on y| gellgỽn. Ar ran gỽr y gan gynydy+
on y milgỽn. Penkynyd a geiff y trayan
o ran y brenhin o|r crỽyn. kanys eidaỽ ef
e hun y traynha y brenhin. lle y penkynyd
ar kynydyon gantaỽ yn neuad y brenhin
is y| golofyn gyfarỽyneb ac ef. Corneit
med a daỽ idaỽ ym pop kyfed y gan y bren+
hin. Ar eil y| gan y vrenhines. ar trydyd y
gan y distein. LLamhysten dof a geiff pop
gỽyl uihagel y gan yr hebogyd. Ancỽyn
a geiff yn| y lety seic a chorneit llyn. Ef bi+
eu trayan dirỽy a chamlỽrỽ ac ebediỽ a gob ̷+
reu merchet y kynydyon. y·gyt a|r bren+
hin y bydant y kynydyon o|r nadolyc hyny
elhont y hela ewiged y gỽanhỽyn. O|r pan
dechreuhont hela y kynteuin hyt naỽ+
uetdyd mei ny cheiff y neb ae holo atteb
onyt sỽydaỽc llys uyd. ony odiwedir
| « p 13 | p 15 » |