Llsgr. Bodorgan – tudalen 17
Llyfr Cyfnerth
17
yssyd vn breint vn sarhaet vn alanas vn ebe+
diỽ ac vn vreint eu merchet. Yn sarhaet
pop vn o·honunt y telir whe bu a whe vge+
int aryant. A whe bu a whe vgein mu gan
tri drychafel yg galanas pop vn. Ebediỽ
pop vn. wheugeint. A whe vgeint yg go+
byr merch pop vn o hynny.
OR|a dryssaỽr neuad mỽy no hyt y vre+
ich ae wyalen y ỽrth y drỽs gỽedy yd
el y brenhin yr neuad. kyt sarhaer yno;
ny diwygir idaỽ. O|r llud y dryssaỽr neu y
porthaỽr vn o|r sỽydogyon y myỽn dan y
adnabot pan y| mynho. talet tri buhyn
camlỽrỽ yr brenhin yn deublyc. A phedeir
keinhaỽc kyfreith yr sỽydaỽc yn deudy ̷+
blyc os pennadur uyd. ac onyt penna+
dur; yn vn dyblyc. llestyr a eruyll y wi ̷+
raỽt yr dryssaỽr. y Distein ar gỽallofyeit
ad dygant eu gỽirodeu y lestyr y dryssaỽr
pan rother gỽiraỽt yr ebestyl. y dryssaỽr
a geidỽ crỽyn y| gỽarthec a lather yn| y gegin
ac ae sycha. keinhaỽc a geiff ynteu o pop
vn pan ranher. y tir a geiff yn ryd. Ae varch
yn pressỽyl mal pop vn o|r rei ereill oll.
| « p 16 | p 18 » |