Llsgr. Bodorgan – tudalen 37
Llyfr Cyfnerth
37
gỽerth creith o gyfarch a telir gantaỽ.
Kildant dyn; dec a deu vgeint a tal.
PEdeir ar hugeint aryant yỽ gỽerth
gỽaet dyn. kanyt teilỽg bot gỽerth
gỽaet dyn yn gyfuch a gỽerth gỽaet
duỽ. kyn bei gỽir dyn ef; gỽir duỽ oed ac
ny phechỽys yn| y gnaỽt. Teir creith go ̷+
gyfarch yssyd ar dyn; Creith ar ỽyneb dyn
wheugeint a tal. Creith ar gefyn llaỽ dyn;
trugeint a tal. Creith ar gefyn troet dyn;
dec ar hugeint a tal. Gỽerth amrant dyn;
keinhaỽc. kyfreith. pop blewyn hyt y bo y bleỽ
erni. O|r tyrr dim o·heni; gỽerth creith o
gyfarch a telir yna.
SEf yỽ meint galanas maer neu gyg+
hellaỽr; naỽ mu a naỽ vgeint mu.
gan tri drychafel. Sarhaet pop vn o·ho ̷+
nunt yỽ naỽ mu a naỽ vgeint aryant.
Punt yỽ ebediỽ pop vn o·honunt. A
phunt yỽ gobyr merch pop vn. Teir
punt y| chowyll. Seith punt y hegỽedi.
O|r a merch maer neu gyghellaỽr neu vn
o arbenhigyon llys yn llathrut heb rod
kenedyl; naỽ eidon kyhyt eu kyrn ac eu
| « p 36 | p 38 » |