LlB Llsgr. Cotton Cleopatra A XIV – tudalen 100r
Llyfr Cyfnerth
100r
wat a seith laỽ kenedyl gantaỽ. Trydyd
yỽ ony byd penkenedyl idaỽ. llỽ deg wyr
a| deugeint oe genedyl ae diwat. Teir gor+
mes doeth ynt. meddaỽt a godinab a dryc+
anyan. Tri dyn a| dyly tauodyaỽc yn
llys drostunt. gureic. ac alldut aghyfy+
eithus. a chryc ananaỽl. Tri llỽdyn di+
gyfreith eu gueithret yn eu hydref ar ani+
ueileit mut. Ystalỽyn. a| tharỽ trefgord.
A baed kenuein. Tri llydyn nyt oes werth
kyfreith arnunt. kynyỽ hỽch. a| bitheiat.
A broch. Tri guaet digyfreith yssyd gua ̷+
et o pen crach. A guaet deint. A guaet trỽ ̷+
yn ony threwir trỽy lit.
TRi than digyfreith eu gueithret. tan
godeith o hanher maỽrth hyt han+
her ebrill. A than eneint trefgord. A than
geueil trefgord a| uo naỽ cam y ỽrth y tref.
a tho banadyl arnei neu tywarch. Tri
edyn a| dyly y brenhin eu guerth pa le
bynhac y llather. hebaỽc. a gualch. a chig+
uran.
| « p 99v | p 100v » |