LlB Llsgr. Cotton Titus D IX – tudalen 86r
Llyfr Blegywryd
86r
o|r deruyd y|dyn llad merch caeth a|bot affei+
thỽr idi. mỽy a|tal yr affeithỽr yna no|r lloff+
urud. A Oes vn lle y|dylyho mab bot yn ar+
glỽyd ar|y|tat. o|gyureith. Oes. o|r deruyd
y|vchelỽr rodi y|verch y|alltut e|hun. a|bot
plant meibon vdunt. a gỽedy hynny
marỽ yr vchelỽr. a chaffel o veibon yr all ̷+
tut mamỽys o|tir eu hentat. Y|rei hynny
a vydant arglỽydi ar|eu tat. A|Oes vn
alanas ny|dylyho bot affeith idi. oes. o|r
llad annyueil dyn. hỽnnỽ yỽ llourud. A|o ̷+
es vn anyueil y|dylyher vot vydth* dan|y
theithi. oes. hỽch ryderic. A oes vn lle y
dyccer ysgrybyl o|warchae heb talu. heb
wystlaỽ. oes. o|r deruyd y|dyn gadel y|yt
heb vedi hyt galan gayaf. a gỽedy|hynny
dala ysgrybyl arnaỽ. yna y|dyly y|deilat
naỽ vgeint aryant y|r arglỽyd. a gollỽg
yr ysgrybyl yn|ryd. A|Oes vn dyn a vo
mỽy gỽerth y laỽ no|e eneit. oes. caeth.
A Oes talaỽdyr didal. a|mach digymell.
a|haỽlỽr eneit·vadeu. oes. o|r deruyd y
dyn adaỽ da y|arall am dryc·weithret
nyt amgen. noc yr yr* llad dyn. a|rodi
mach ar|y|da hỽnnỽ. a|gỽneuthur y|gyf+
lauan ohonaỽ. ohonaỽ*. a bot negydya+
| « p 85v | p 86v » |