Llsgr. Caerdydd 1.363 (Hafod 2) – tudalen 32r
Brut y Brenhinoedd
32r
yt y chadỽ. a chymer merch elsyng brenyn
llychlyn yn bryod wreyc yt hyt pan ỽo trwy
porth hỽnnỽ a|e nerth y gellych dytheỽ kaf+
fael de teylygdawt a|th dylyet ry golleyst.
Ac wrth hynny gwedy darỽot ỽdỽnt trwy
yr amadrodyon hynny a llawer o|r rey ereyll
llenwy bryt a|medỽl y gwr yeỽanc ef a wnae+
th eỽ kyghor ac aeth hyt yn llychlyn ac a kymy+
rth y ỽorwyn honno yn wreyc ydaw|megys y d+
yskessynt y bradogyon twyllwyr anhyedwyr
hynny ef. AC gwedy mynegy hynny o|y ỽ+
raỽt ynteỽ. nyt amgen y ỽynet y keyssyaw
porth yn|y erbyn ef. yn|y lle sef a orỽc ynteỽ ky+
nnỽllaỽ llỽ a mynet racdaw|a gorescyn y kyỽo+
eth ynteỽ a gossot gwyr ydaw e|hỽn y kadỽ|y
dynassoed ar kestyll. Ac yn y lle pan kygleỽ
ỽran y chwedleỽ hynny. ef a kymyrth kan+
thaw aneyryf lỽossogrwyd o|r llychlynwyr
ac gwedy bot yn paraỽt y lyghes ym·chwelỽt
a wnaeth partha* ac ynys prydeyn. Ac mal
yd oedynt yn rwygaw moroed yn hyfryt+
af ganthaỽ ar gwynt yn rwyd yn eỽ hol.
| « p 31v | p 32v » |