LlB Llsgr. Harley 4353 – tudalen 26r
Llyfr Cyfnerth
26r
kanys brenhin bieu teruyneu. Teir tref
ar dec a| dyly bot ym pop maenaỽr. Ar| tryded
ar dec o|r rei hynny uyd yr oruottref. Tref
ryd sỽydaỽc a thref ryd dissỽyd. pedeir rantir
a| uyd ym pop tref. y teir yn gyfanhed. A|r pet ̷+
wared yn porua y|r teir rantir. Teir rantir
a| uyd yn| y tayaỽctref. ym pop vn o|r dỽy y byd
tri thayaỽc. a|r tryded yn| porua y|r dỽy. Seith
tref a| uyd yn| y vaenaỽr o|r tayaỽc·trefyd.
Y neb a torho teruyn ar tir dyn arall; talet
tri buhyn camlỽrỽ y|r brenhin a gỽnaet y ter ̷+
uyn yn gystal a chynt. Nyt teruyn prif a+
uon engiryaỽl rỽg deu kymhỽt onyt yn| y hen ̷+
gyrrynt. Croesuaen sef yỽ hỽnnỽ maen
ffin neu pren ffin neu peth arall enwedic a
vo yn kadỽ ffin; wheugeint a tal. Y neb a| tor ̷+
ho ffin a| uo rỽg dỽy tref. neu a artho prifford.
wheugeint a| tal y|r brenhin. A gỽnaet y ter ̷+
uyn yn gystal a chynt. Messur tir rỽg dỽy
tref os o|r tir y byd; gỽrhyt a hanher. Rỽg dỽy
rantir; pedeir troetued. Rỽg dỽy erỽ; dỽy
gỽys. Messur prifford brenhin; deudec troet ̷+
ued. Y neb a gynhalyo dan vn arglỽyd deu
tir; talet y ebediỽ o|r mỽyhaf y vreint.
MEssur gỽestua brenhin o pop tref y taler
| « p 25v | p 26v » |