LlB Llsgr. Harley 958 – tudalen 29r
Llyfr Blegywryd
29r
ẏnẏ el deturẏt gỽlat ẏmdanaỽ rỽg ẏr haỽ+
lỽr a|r amdiffẏnnỽr gan tẏghu ẏn dẏlẏedus
ẏ vot ẏn wir neu nat gwir. Ac ẏno heuẏt ẏ
brenhin a dẏlẏ kẏmheỻ ẏ wẏr ẏ|r creir ẏ tẏg+
hu eu dewis. Lle ẏ perthẏno deturẏt gỽlat.
gwẏr ẏ ỻẏs oỻ bieu tẏghu eithẏr ẏ rei a
aỻo kẏnhenusson eu ỻẏssu o gẏfreith.
P edeir tarẏan ẏssẏd a gerdant ẏn ỻẏs rỽg
kẏnhenusson a reith gỽlat neu deturẏt
gỽlat. megẏs kadỽ gỽesti am ledrat kẏssỽ ̷+
ẏn. a|chadỽ kẏn coỻ a|geni a|meithrin am
ledrat gwaessaf. neu treis neu aghẏfarch
heb treis heb ledrat. Ac nẏt cỽbẏl amdiffẏn
vn o|r teir kẏntaf ẏ|r neb a|e caffo namẏn
canhorthỽẏ mal ẏ bo haỽs ẏ gredu trỽy ẏ
traẏan a gaho no heb·di. Ac ueỻẏ galỽ gỽa+
rant nẏt cỽbẏl ỽrtheb nẏt cỽbẏl diogelrỽẏd
namẏn keissaỽ neb vn a ỽrtheppo drostaỽ.
ac a wnel cỽbẏl drostaỽ. Ac ỽrth hẏnnẏ pỽẏ
bẏnhac a gaffo gwarant safent eỻ deu ẏ+
gẏt ỽrth gẏfreith ẏn|ẏ ỻẏs. ẏnẏ teruẏnho
ẏ|dadẏl oỻ trỽẏ varn ẏ·rẏdunt a|r haỽlỽr.
kanẏ eỻir gỽẏbot o vn|fford kyn barn ter+
uenedic ae vn o·honunt a vo kẏlus ae eỻ
deu ae na bo kẏlus vn. Ac na wẏs heuẏt
a uẏnho ẏ gwarant wneuthur cỽbẏl drostaỽ
| « p 28v | p 29v » |