Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 31v
Ystoria Lucidar
31v
Deu ryỽ agkenreit yssyd. vn annyanaỽl.
megys kyuodi yr heul yn|y dỽyrein. neu dyuot
y|nos yn ol y|dyd. Ac arall eỽyllyssaỽl. megys
kerdet o|dyn nev eisted. Ar hynn a|vynnho
duỽ y|vot megys nef. a|dayar. ny ellir goch+
el na del hynny. Namyn angkenreit o|bot.
Peth yỽ o damỽeinya velle pethev ereill. a|at
duỽ vdunt vot megys ewyllys dyn y|wnneu+
thur da nev drỽc. A hynny nyt amgen y|dy+
uot pob peth o|r a|wnnel dyn rac llaỽ. Duỽ a|e
gỽyr. Ac a|dyỽat drỽy y|proffỽydi y|gỽnneit.
Ac ny ossodes duỽ angkenreit o|r byt y|hynny.
namyn dynyon e|hunein a ossodassant vdunt
ev hangkenreit. pann wnnaethant ev he+
wyllys o gỽbyl. Adaỽ dim o damwein. na daỽ.
Namyn pob peth o lunyeith duỽ. Pa delỽ y llos+
gant yr eglỽysseu. nev adeilladev* megys o
damỽein. nyt dim damỽein. Ac yscriuennedic
yỽ. ny byd dim ar|y dayar hep achos idaỽ.
Vrth hynny amlỽc yỽ na loscir ac na distry ̷+
ỽir nac eglỽys na|thy yn|y byt. onnyt trỽy
y|varnnv o|duỽ yn gyntaf. Ef a|damweina
hynny heuyt o dri achos. kynntaf yỽ o|r adei+
lir drỽy da a|geisser. ac amlyner ar gam.
Eil yỽ. os y nep a|e kyfuannheda. a|e helyc
| « p 31r | p 32r » |