Rhydychen, Llsgr. Coleg yr Iesu 57 – tudalen 115
Llyfr Blegywryd
115
yon y|byd. O galan gaeaf hyt wyl ieuan ny
byd golỽythyon brenhinaỽl yn hyd brenhin.
Odyna golwyth a vyd yndaỽ kyfreithaỽl. nyt
amgen. tauaỽt. tri golwyth o|r mynỽgyl. kym+
hibeu. caỻon. deu·lwyn. Jar. tumon. hydgyỻa.
herỽth. auu. Y neb a dycko vn o|r rei hynny
heb gennyat y kynydyon. camlyryus vyd. ~
Drostunt oỻ o|r|dygir teir punt a|delir. O r
ỻedir hyd brenhin a|e gudyaỽ. dirỽy a delir dros+
taỽ. Os kyỻeỻa neb heb y gudyaỽ. camlyryus
vyd. dyeithyr o|r mod racdyỽededic Gwerth
hyd yỽ. ych. Ewic. buch delediỽ a|dal. Croen
hyd deudec keinyaỽc. Croen ewic. wyth geiny+
aỽc a dal. Gwerth hyd dof y brenhin. yỽ. punt.
Gỽerth pob ỻetuegin brenhin neu vrenhines
punt yỽ. Gỽerth ỻetuegin breyr neu y
wreic. neu y verch yỽ. chỽeugeint. Gỽerth
ỻetuegin taeaỽc. keinyaỽc cotta. O|r hely
geỻgỽn y vreyr. arhoet ef yny oỻyngo kyn+
ydyon y brenhin eu kỽn teir gỽeith y bore.
| « p 114 | p 116 » |