Rhydychen, Llsgr. Coleg yr Iesu 57 – tudalen 37
Llyfr Blegywryd
37
Kalan maỽrth y keiff peis a manteỻ a chrys a
ỻaỽdỽr. Penguch hagen a|geiff yn|tri amser.
Ef a rann yt y taeogeu ffoaỽduryon. a|e marỽ+
dei rỽng y maer a|r kyngheỻaỽr. Ef bieu yr
yscub a vo dros benn ỽrth rann. Ef a geiff o|r
marỽ·tei y mehin bỽlch. a|r emenyn bỽlch. a|r
maen issaf o|r vreuan. a|r dulin oỻ. ac o|r yt y do
issaf y|r ỻaỽr. ac o|r|byd yr yt heb vedi. ef a geiff
y talareu oỻ. a|r ieir a|r katheu a|r bỽyeiỻ. Ef
a|geiff torth a|e henỻyn ym|pob ty oc y|del ar neges ̷+
seu y brenhin. Gỽaeỽ y ringhiỻ ny byd hỽy no
their|ỻath rac y arganuot pan|del y wyssyaỽ.
Ny|byd tenỻif yn|y laỽdỽr. O|r anreith y bo y
brenhin ỽrth y dỽyn. ef a geiff y tarỽ. ac ony
byd tarỽ ef a|geif ych ieuangk tec nyt el dan
wed eiryoet. neu gynfflith. Pan vo marỽ righiỻ
yn|trugared yr arglỽyd y byd yr eidaỽ. Pan an+
reither y penkynyd o|e gam. ef a|e hanreitha. O|r
sarheir y ringhiỻ o|e eisted yn dadleu y brenhin
ny cheiff onyt gogreit hilgeirch a chỽckỽy ỽy
| « p 36 | p 38 » |