LlGC Llsgr. Llanstephan 4 – tudalen 49r
Purdan Padrig
49r
ymma y dywaỽt yn kedymdeithon ni
ỽrthyt ti vot uffern kelwydaỽc oedynt
ỽy. a|n dedyf ni yỽ dywedut kelwyd yn
wastat hyt pan dỽyỻom ni trỽy gelỽ+
yd y neb ny aỻom y dỽyỻaỽ trỽy wir.
nyt ymma amgen y mae uffern. namyn
yn|y ỻe y dygỽn ni di idaỽ yr aỽr honn.
Ac yna y tynnassant ỽy y marchaỽc
a chadỽyneu tanỻyt aruthyr ganthunt
y auon lydan a|ỻyuedic gỽedy y henyn+
nu yn vn fflam o dan brỽnstan. ac yn
gyflaỽn o diefyl. Ac yna y dywedas+
sant ỽy ỽrth y marchawc. Dan yr auon
honn y mae uffern. ac yr adnabydy
di bot uffern. a|r diefyl a|dywaỽt ỽrth+
aỽ ef. Reit vyd ytti gerdet ar hyt
y bont honn yma drỽod. a ninneu a
gyffroỽn y gỽynnoed maỽr a|r trysseu
a|r taraneu ỽrth dy vỽrỽ di y ar y bont
yn|yr auon. a|n kedymdeithon ninneu
yssyd yno a|th gymerant titheu ac
a|th sodant yn vffern. Ni a vynnỽn
amgen profi yn gyntaf pa diogelet
vo ytti vynet y|r bont. a|e arwein ge+
yr y vreich a|wnaethant y|r bont. a
daly y laỽ a ffrydyaỽ. Tri pheth oed
| « p 48v | p 49v » |