LlGC Llsgr. 3035 (Mostyn 116) – tudalen 101v

Arglỽydes heb ef ny| m ỻas. i. namyn megys y gỽely di byỽ

ỽyf. i. dolur eissoes yỽ genyf|i ry| gaffel vyg| kasteỻ a ỻad vy|g+

wyr. Ac ỽrth hynẏ mi a af yn erbyn y brenhin ac a dagnofe+

daf ac ef rac dyfot damwein a vo gỽaeth. Ac ỽrth hẏnẏ

yd aeth ac y| kyrchỽys at y| ỻu. A| gỽedy bỽrỽ drych a| furyff

gỽrlois y| arnaỽ. ef a ymchoeles yn vthyr pendragon A| gỽedy

menegi idaỽ yr damwein a| r ymlad. Doluryaỽ a| oruc o ageu

gỽrlois Ac eissoes o| r parth araỻ ỻawen oed o achaỽs bot

eigyr yn ryd eỻygedic o| e phriodas. Ac yn| dianot ymchoelut

a oruc parth a chasteỻ Tindagol a| r kasteỻ a gafas Ac eigyr

a gymerth ac arueru ohonei a| oruc yn herwyd y ewyỻus

A| phressỽylaỽ ygyt yn rỽymedic o garyat. a mab a| merch

a vu vdunt Ac enỽ y| mab vu arthur ac enỽ y verch vu

anna A| hono vu vam walchmei. a| medraỽt Ac a vu wreic

y| leu vab kynuarch herwyd gỽiryoned yr ystorya. 

A c odyna gỽedy mynet dydyeu ac amseroed heibyaỽ yn

diruaỽr glefyt y| dygỽydỽys y| brenhin. A gỽedy y vot

veỻy drỽy lawer o amser blinaỽ a wnaethant y gỽyr

a oed yn kadỽ octa ac offa y rei a goffayssam ni vchot A| fo

gyt ac ỽynt hyt yn germani. Ac ofyn ac aruthred a aeth

o achaỽs hyny drỽy yr hoỻ teyrnas. kanys y| chwedyl a| gat*  ̷+

arhaei eu bot gỽedy kyffroi hoỻ germani Ac y| paratoi ̷

diruaỽr lyges ỽrth dyuot y| distryỽ hoỻ ynys prydein A

hẏnẏ a daruu. kanys ỽynt a ymhoelassant gyt a diruaỽr

lyges ac aneiryf o| nifer gantunt Ac yn yr alban y| disgyn+

assant a| r dinassoed a| r kiỽdaỽtwyr o| tan a| hayarn a dech+

reuassant eu molestu Ac eu hanreithaỽ Ac ỽrth hẏnẏ hoỻ

lu ynys prydein a orchymynỽyt y leu vab kynuarch ỽrth

geissaỽ gỽrthlad y gelynyon A| r ỻeu hỽnỽ jarỻ kaer lyr

oed. Y| marchaỽc gỽychraf a deỽraf a| chlotuorussaf a doth+