LlGC Llsgr. 3035 (Mostyn 116) – tudalen 141v
Brut y Brenhinoedd
141v
gỽeitheu yrydunt e|hunein gỽeitheu y·rydunt a|r saesson yn
ryfelu Ac yn kynydu gỽastat aeruaeu. ~ ~
B einhined* y|rei a|vuant o|r amser hỽnỽ aỻan yg|kymry
y garadaỽc ỻan garban vyg kyt·oessỽr y gorchymyn+
aff. i. eu hyscrifenu. A brenhined y|saesson y wilim mal+
meson ac y henri hỽntedỽn. Yr rei hyny yd archaff. i.
dewi A|brenhined y brytanyeit. kanyt yttyỽ gantunt
y ỻyfyr brytỽn hon. Yr hỽn a ymhoeles. Gỽaỻter arch+
diagon ryt ychen o vrytanec. yg kymraec. Yr hỽn ys+
syd gynuỻedic yn wir oc eu hystoria ỽy yn en·ryded
y|r racdywededigyon tywyssogyon hyny Ar y wed
hon y|prydereis inheu y|ymchoelut ef yn ỻadin ~
Neur daruu yscrifennu y brut hỽn yn|gỽbyl ỽrth
aỽc. boet bendigedic vo yr arglỽyd iessu uab
| « p 141r | p 142r » |