LlGC Llsgr. 3035 (Mostyn 116) – tudalen 174r
Brut y Tywysogion
174r
y geredigyaỽn a|e gỽerysgynaỽd hyt yn aeron. Yn|y vlỽydẏn
hono y|darparaỽd Madaỽc ap maredud vrenhin powys drỽy
nerth ran·dỽlf Jarch* caer ỻeon gy·uodi ẏn|erbẏn y·ewein gỽy+
ned. a gỽedy ỻad pobyl y ganhorthỽywẏr ef yd ymhoelaỽd y
rei ereiỻ y|kyfẏneu y|fo. ~ ~
D eg|mlyned a deugein a chant a mil oed oet crist pan duc
cadeỻ a maredud a rys veibon gruffud ap rys geredi+
gyaỽn oỻ y ar hỽel ap ywein eithyr vn casteỻ a oed ym|pen
gỽern yn ỻan vihagel. a gỽedy hynẏ y gỽeryssgynassant
gasteỻ ỻan rystut o hir ymlad ac ef a gỽedẏ hẏnẏ y cauas
howel ap ywein y casteỻ hỽnỽ y dreis ac y|ỻosges oỻ ny bu
hayach wedy hẏnẏ pan atgyweiraỽd cadeỻ a mareded veibon
gruffud ap rys gasteỻ ystrat meuruc a gỽedy hynẏ y·d|edewit
cadeỻ ap gruffud yn ỻetuarỽ wedy ysigaỽ yn greulaỽn o|rei
o|wyr dinbych ac ef yn hela. ac ychydic wedy hyny wedẏ
kynuỻaỽ o veredud a rys veibon gruffud ap rẏs y ke+
dernit yn gyfun y|kyrchassant ỽyr ac ymlad a|wnaethant
a chasteỻ aber ỻychỽr a|e losgi a diffeithaỽ y wlat Yn|y vlỽy+
dyn hono yd atgyweirassant ỽy oỻ deu gasteỻ dinỽeleir
ac y|datgweiraỽd hỽel ap ywein gasteỻ hỽmfre yn dyffryn
clettỽr. Y vlỽydyn racỽyneb yd yspeilaỽd ywein gỽyned gu+
neda vab catwaỻaỽn y nei ap y vraỽt o|e lygeit. Yn|y vlỽy+
dyn hono y|ỻadaỽd ỻywelyn ap Madaỽc ap Maredud ystefẏn
vab baldwin. Yn|y vlỽydyn hono y gỽrtladỽyt catwaladyr
o ynys von ac y bu varỽ simon archdiagon kefeilaỽc gỽr
maỽr y|an·ryded a|e deilygdaỽt. Y vlỽydẏn racỽyneb y ky+
weiraỽd Maredud a|rys veibon gruffud ap rys y|bydinoed
y|penwedic ac ymlad a|wnaethant a|chasteỻ hywel a|e dori.
| « p 173v | p 174v » |