LlGC Llsgr. 3035 (Mostyn 116) – tudalen 179v
Brut y Tywysogion
179v
yn|y kyrch kyntaf y kymerth porth lachi a gỽedy gỽneuthur ky+
veiỻach a diermit vrenhin. ac erchi y verch yn briaỽt. ac o
nerth hỽnỽ y|kafas dinas dulun drỽy wneuthur diruaỽr
aerua. Ac yn|y vlỽydẏn hono y bu varỽ rotpert vab ỻywarch
Ac y bu varỽ diermit vrenhin largines ac y|cladỽyt yn|y dinas
a elwir ferna. ac yn|y vlỽydyn hono y|magỽyt teruysc rỽg bren+
hin ỻoegyr a brenhin freinc am lad yr archesgob. kanys bren+
hin ỻoegẏr a|rodassei yn veicheu y vrenhin freinc henri ty+
wyssaỽc bỽrgỽin a|thybaỽt Jeuanc y vraỽt. Meibon oed
y rei hẏnẏ y|r tibaỽt tywyssaỽc bỽrgỽẏn a Jarỻ flandrys
a ỻawer o|rei ereiỻ pan wnaeth kymot a|r archesgob hyt
na|wnaei argywed idaỽ byth. a gỽedy clybot o alexander
bab ry|lad yr archesgob anuon y lythyreu at y brenhin freinc
a|wnaeth. ac at y meicheu ereiỻ. a gorchymun udunt drỽy
ys·cymundaỽt kymeỻ brenhin ỻoegẏr y dyuot y lys rufein
y|wneuthur jaỽn am a·gheu yr archesgob. ac ỽrth hẏnẏ
anesmỽythaỽ a|wnaethant o|pop aruaeth ar y tremygu
ef. a|phan welas henri vrenhin hẏnẏ dechreu gỽadỽ hyt
nat o|e gygor ef y ỻas yr archesgob. ac anuon kanadeu
a|wnaeth at y pab y venegi na aỻei ef mynet y rufein
drỽy ach·ỽyson. Yg|kyfrỽg hẏnẏ y kiỻyaỽd ran vaỽr o|r
vlỽẏdẏn a|thra|oedit yn hẏnẏ tu draỽ y|r mor y|kynuỻaỽd
yr arglỽyd rys vab gruffud lu am|ben ywein kyfeilaỽc
y|daỽ ar vedyr y darestỽg kanẏs y genifer gỽeith y gaỻei
ywein gỽrthỽynebu y|r arglỽyd rẏs y gỽrthỽynebei. a rys
a|e kymheỻaỽd y darestỽg idaỽ ac y kym erth seith ỽys+
tyl gantaỽ. Yg|kyfrỽg hẏnẏ ofynhau a|w naeth y bren+
hin yr abostolaỽl yskymundaỽt a chan adaỽ gỽladoed
| « p 179r | p 180r » |