LlGC Llsgr. Peniarth 11 – tudalen 107r

a|dywaỽt ỽrth galaath. Arglỽyd heb ỽynt gỽybyd di yn ỻe gỽir.

na bu yni o lewenyd eiryoet y gymeint ac yr|pan|doetham y|th

gedymdeithyas di. ac am hynny drỽc yỽ gennym ni yr ymwaha+

nu hỽnn. Yr hynny ual|kynt reit yỽ. Arglỽydi heb·y galaath ot

oedeỽch chwannaỽc chỽi y|m kedymdeithyas i. chwannogach oed+

ỽn ninnei* y|r|einỽch chỽi. Yr|hynny reit yỽ yni ymwahanu pob vn

ar ewyỻys duỽ. ac am|hynny yn iach y chỽi. ac ot eỽch y lys yr|ame  ̷+

raỽdyr arthur. annerchỽch ef y gennyf|i. a|chỽbyl o|gedymdeithyon

y vort gronn. a|laỽnslot vyn tat os gwelỽch. Ni a|wnaỽn yn ỻaỽen

heb ỽynt. ac ar hynny ymwahanu a|orugant. Galaath yna ef

a|e|gedymdeithyon a|varchockaassant yny doethant yny doethant

y|lann y mor erbyn penn y pedwyryd dyd. A|phan|doethant yno ỽ+

ynt a|gaỽssant yr ysgraff yn|yr honn y kassoedit y cledyf a|r es+

tronaỽl arwest idaỽ. A gỽedy eu dyuot y myỽn ỽynt a argan+

uuant yn|y gỽely a|oed yno y tab·yl aryant a welsynt kyn|no|hyn+

ny yn ỻys brenhin peleur a|seint greal ar y warthaf. a|samit

coch ar y draỽs. A|phan weles y kedymdeithyon hynny hoff vu

ganthunt am gael yn|eu|kedymdeithyas yr|hynn y buassynt

eiryoet yn|y damunaỽ. yna y gỽynt a|drewis yr ysgraff y|r mor

a marchogaeth y|mor yn|y mod hỽnnỽ a|oruc hi yn hir o amser

heb wybot onadunt ỽy yn|y byt pa|fford yd|oed hi yn mynet. A

phan elei galaath y gysgu neu ynteu pan|gyuotei beunyd y gỽe+

diei ar duỽ ar roi teruyn ar hoedyl pa|amser yn|y byt y|damun+

ei. ac ueỻy yn|wastat y|gỽnaeth ef y wedi yny doeth ỻef attaỽ a

dywedut. Nac aet vn goual arnat galaath. kanys yr aỽr yr erch  ̷+

ych di angheu y corff ti a|e keffy. a gỽarandaỽ a|oruc paredur ar