LlGC Llsgr. Peniarth 11 – tudalen 134v
Ystoriau Saint Greal
134v
tỽrneimant a ryuel. na|m corff heuyt nys roy ditheu yng
carchar. kanys di·gaỽn yỽ vyng|kyuoethocket i y dalu vy
raỽnsỽn. a|mi a|uynnỽn o ranghei vod ytti arglỽỽyd* wybot
dy henỽ. Ef a|m gelwir i gỽalchmei heb ef. Ae gỽalchmei ỽ ̷+
yt ti heb ef mi a giglef dywedut ỻawer amdanat. a|cha ̷+
nys yttiỽ y castesteỻ* o gamalot ar dy warchadỽ a|th uedyant
ti. minneu a|rodaf vy ỻỽ ytti o|hynn hyt ym|penn vn dyd a ̷
blỽydyn nat reit y|r casteỻ nac y|dim o gyuoeth y wreic vy o ̷+
vyn i. namyn o|r gwelaf ereiỻ yn gỽneuthur teruysc arnei mi
a|e|ỻesteiryaf. ac o|r|byd reit ytt ỽrth nac eur nac aryant mi
a|e|paraf ytt ỽrth dy ewyỻys. Arglỽyd duỽ a|diolcho ytt heb·y
gỽalchmei a digaỽn yỽ vy modlonet ytt. Yna gỽalchmei a
gymerth y gennat ac a ymchoelaỽd tu a|chasteỻ y wreic we+
dw. ac a|beris dỽyn y march y·gyt ac ef yr|hỽnn a|roes ef we+
dy hynny y verch y wreic wedỽ. yr|honn a|vu lawen ỽrthaỽ.
a|r pump marchaỽc a|dugassant oc eu blaen ỽynteu yr hynn
a|enniỻassynt. A phan doethant ỽy y|r casteỻ. nyt reit govyn
na ryuedu ot oedynt lawen y nos honno. neu ot yttoedynt
yn anrydedu gỽalchmei. Yna ef a dywaỽt y|r wreicda ual y
dathoed y casteỻ ar y warchadwedigaeth ef. Y|nos honno rac
eu|blinet ỽynt a|aethant y gysgu heb olud. Trannoeth y bore
ef a|gyuodes gỽalmei y vyny. ac a|warandawaỽd offeren. ac
a|gymerth kennat y wreic a|r kedymdeithyon. Yma y|mae y
kyuarwydyt yn tewi am vam y milỽr da ac yn|ymchoelut ar ̷
G walchmei yna a gerdaỽd racdaỽ. ỽrth [ walchmei.
ual y trossei duỽ y antur. ac a|doeth y fforest dan wediaỽ
| « p 134r | p 135r » |