LlGC Llsgr. Peniarth 11 – tudalen 248r
Ystoriau Saint Greal
248r
a*|ỻad y vab. a cheissyaỽ hedỽch a|charyat y ganthaỽ. Briant
heb·y gỽalchmei laỽnslot nyt ytiỽ yma. namyn yng|gỽassa+
naeth yr amheraỽdyr arthur y|mae ual y gỽdost di. ac y·gyt
a|hynny ti a|wdost panyỽ elinans a|doeth attat ti. a thitheu a|e
gỽnaethost ef yn varchaỽc urdaỽl. a|gỽedy hynny ef a ryue+
laỽd ar arthur. ac arthur gỽedy mynet y bererindaỽt heb
vot yn gyfiaỽn ryuelu arnaỽ. ac heb hanuot heuyt o|th wl+
at titheu. ac ual yr|oed arthur yn mynet o|e bererindaỽt ef
a|dywetpwyt idaỽ ual yd oedeỽch* chỽi yn kyweiryaỽ y wlat ef.
Ac yna ynteu a|anuones laỽnslot y amdiffyn y wlat ragaỽch
chỽi. yr hỽnn a|e hamdiffynnaỽd a chỽi a|wdaỽch pa|delỽ yny
doeth arthur adref. Ac ef a|wybu elinans pan|doeth arthur
adref. yr|hỽnn ny|wnaeth cam a neb eiryoet. ac a oỻyngei
y iaỽn y paỽb. ac yn ennwedic yn|y lys. paham na deuei e+
linans yna y brofi ar laỽnslot. a|phei dathoed ef a gaỽssoedy+
at gyfreith a chyfyaỽnder. Sef a|oruc ynteu ryuelu ar arthur.
ac yn amdiffyn dylyet a|chyfyaỽnder arthur y ỻadaỽd laỽnslot
efo yn|y ryuel hỽnnỽ. ac ossit neb a|dywetto na bo kyfiaỽn
y ỻadaỽd laỽnslot elinans pa|ffuryf bynnac y|bu y·ryngthaỽ
a|e dat. ỻyma vyng|corff|i yn|y erb* yr hỽnn a vynno ae yr a+
ỽr·honn ae ynteu amser araỻ. Gwalchmei heb·y briant
ny cheffy di yma hediỽ a gymero gỽystyl am hynny. nam+
myn hynn a|dywedaf|i nat reit y arthur ỽrth mỽy o ryuel
noc yssyd arnaỽ. ac na|dyly ynteu wneuthur idaỽ y gedym+
| « p 247v | p 248v » |