LlGC Llsgr. Peniarth 190 – tudalen 173
Ymborth yr Enaid
173
gyrru ar araỻ gỽydyeu neu drygeu neu
veieu ar ny bont arnaỽ drỽy wybot nat
T raether beỻach am gyng +[ ydynt.
horuynt a|e geingeu. Kynghorvynt
yỽ gỽenwyngas a|ỻidiaỽc·var|digassed ar
araỻ. drỽy lawenhau am y afles. a|thrista+
u am y|les. Pymthec o geingeu yssyd
y genvigen neu y gynghoruynt. nyt am+
gen. Gogan. angklot. absenneir. clusthus+
tynggas. dybrytrỽyd. ymeỻdigaỽ. drycdy+
chymic. kudyaỽ neu gyfarsangu da. di+
gassed. anghywirdeb. cas. chwerỽder. an+
nundeb. gỽattwar. kuhud. Gogan yỽ ang+
clotuori araỻ yn|y absen. Absenneir yỽ.
kyuarthgar hustyng am barableu neu
weithredoed ereiỻ yn|eu habsen. Clusthus+
tynggas. cas hustyng dychymycdrỽc ỽrth
vedyanneit neu sỽydogyon. y goỻedu araỻ
o|digassed arnaỽ. Dybrytrỽyd yỽ. gỽrthỽ+
ynebu clot araỻ am y weithredoed da a|che+
issyaỽ eu difflannu. Ymeỻdigaỽ yỽ. bỽrỽ
| « p 172 | p 174 » |