LlGC Llsgr. Peniarth 190 – tudalen 54
Ystoria Lucidar
54
ac yna y profir y mae duỽ yssyd aỽdur y|r
drỽc. ac ỽrth hynny cam yỽ bỽrỽ yng|kyuyr+
goỻ y rei a|wnel drỽc. Magister Gỽir yỽ mae duỽ
a|wnaeth pob peth. ac ỽrth hynny y profir
nat dim drỽc herỽyd gaỻu. kanys pob
gaỻu yssyd da. a|r drỽc nyt oes aỻu idaỽ.
ỽrth hynny nyt dim. a megys y dywedir.
Deỻi yn|y ỻe. ny bo golỽc. a thywyỻỽch
yn|y ỻe ny bo goleuni. veỻy y byd drỽc yn
y ỻe ny bo da. kannyt yttynt vn aỻu. kan+
ys tri pheth yssyd. creadur. a natur. a gỽ+
eithret creadur. megys y defnydyeu. Na+
tur yỽ megys yr|hynn a|del y ganthunt
ỽynteu. Gỽeithret. megys yr hynn a wnel
dyn. neu a|odefo dyn neu angel. ỽynt a
wnant pechodeu ac a|odefant poeneu
pechodeu. hynny ny|s gỽnaeth duỽ yn+
teu hagen a|e gadaỽd. megys y dywedir.
Ny wnaeth duỽ angeu. ac nyt oes dim
amgen o bechaỽt. o·nyt na|wneler y gor+
chymynneu. neu|wneuthur yn erbyn y|gor+
| « p 53 | p 55 » |