LlGC Llsgr. Peniarth 33 – tudalen 20
Llyfr Blegywryd
20
aeth. neu o|gleuẏt; arall a|geiff ẏ|gan
y|brenhin. ~ Y|varch a geiff o|r brann* ky+
meint a|rann deu|veirch ereill. Ef a
geiff ẏr hebogeu goreu oll; A|r nẏth+
ot oll a|gaffer ẏn|tir llẏs ẏ|brenhin.
Ancỽẏn a|geiff ẏnn|ẏ letẏ. Seic a|thri
chorneit o|lẏn. O|r pan dotto ẏr hebo ̷+
gẏd ẏ|hebogeu ẏnn|ẏ mut. hẏt pan
ẏ|tẏnho o|r mut; nẏ|chẏmhellir ẏ|ỽr ̷+
theb o|vn dadẏl. Kẏlch vn weith ẏnn|ẏ
vlỽẏdẏn a|geiff ar|bilaeineit ẏ brenhin.
A|phedeir keinnaỽc kẏfureith o|pob ̷
taẏaỽc·tref. neu dauat hesb ẏn vvyt
ẏ|r hebogeu. Y|tir a|geiff ẏn|rẏd. a|e
varch ẏ|gan ẏ|brenhin. A|phob taua+
ỽt hẏt* a|dẏccer ẏ|benn ẏ|r brenhin.
B Raỽdỽr llẏs a|dẏlẏ rann gỽr o
arẏant daereteu. Ef a|ẏrẏ* pob
braỽt a|berthẏno ẏ|r llẏs. Ef a|gei+
ff pedeir ar|hugeint ẏ|gann pob vn
o|r a|gangosso* ẏ|gẏfureitheu a|e vreint
idaỽ. Ef a|gengys* kẏfureitheu a|brein+
heu holl sỽẏdogẏon llẏs. Pan gẏmero
braỽdỽẏr ẏ|brenhin gobẏr am dadẏl
| « p 19 | p 21 » |