LlGC Llsgr. Peniarth 33 – tudalen 38
Llyfr Blegywryd
38
ỽystẏl. Sef yỽ hẏnny; gỽẏstẏl a|rother
yn erbẏn barn. gỽẏstẏl a rother ygẏt
a|r varn honno; Trẏded fford ẏỽ; br˄aỽdỽr
bieu dosbarth ẏrỽg deudẏn ẏn kẏghaỽs
am|ẏ varnn a rodassei vdunt heb ẏmwẏs ̷+
tlaỽ ac ef Tri rẏỽ vanac ẏssẏd. ac am
bop vn ohonint* ẏ gossodir reith gỽlat ar ̷
dẏn am letrat. vn ẏỽ; dẏuot ẏ colledic.
a|r managỽr ẏgẏt ac ef. a|thẏghu ẏn er+
bẏn arall. chẏbot* a|gỽẏbot arnaỽ ẏ|lletrat
Eil ẏỽ; tẏghu o|r managỽr gỽelet a|gwẏ ̷+
bot arnaỽ ẏ|lletrat;. A|hỽnnỽ a|elwir lliw
Trẏdẏd ẏỽ; lludẏaw rac dẏn keissaw da.
a gollassei ẏnn|ẏ lle ẏ|tẏppei ẏ|vot. Nẏ|dẏ+
lẏ neb rodi reith gwlat am letrat heb vn
o|r manageu hẏnnẏ ẏnn|ẏ erbẏn. onnẏt
pallu a|wna o|lỽ gweilẏd. y|r colledic. O|r|pa ̷+
lla; nẏt reit manac arnaỽ namẏn hyn+
nẏ ẏ|gẏmell reith gỽlat ẏ|gantaỽ; O|r ̷ ̷
diwedir haỽl a|defnẏdir o|amrẏuael ach ̷+
w·ẏsson; trỽẏ vn reith a|berthẏno ỽrth ̷ ̷
ẏr achaỽs mỽẏhaf ohonei ẏ|gwedẏr ̷ ̷
ẏr haỽl oll; kannẏ* pob vn haỽl vn reith
a|dẏlẏ ẏnnẏ gwatter Pỽẏ|bynnac o|r
| « p 37 | p 39 » |