LlGC Llsgr. Peniarth 36A – tudalen 15v
Llyfr Blegywryd
15v
y vot yn iach. brenhin bieu dayar. Ac ny
dyly keitwat uot drosti. Or dỽc dyn da
ar geitwat y gadỽ. a cholli peth or da. a
bot ymdaeru rỽg perchenhaỽc y da ar keit+
wat am y da. y keitwat bieu tygu ar vn
dyn nessaf y werth gyt ac ef os peth a wat+
ta a pheth a adef O gỽatta neb adneu a
rodho dyn yn y laỽ y gadỽ. neu torr ty. ro+
det reith dedyblyc*.
megys y mae am veich kefyn neu pỽn
march. Teruynedic yỽ o pỽn march o ad+
neu; llỽ petwar gwyr ar| hugeint. Am ve ̷+
ich kefyn. llỽ deg wyr. Y tayogeu a dyly
iaỽnhau y kameu a wnel eu meibon hy+
ny uont pedeir blỽyd ar dec. ac odyna
eu tad eu a dyly eu gorchymyn yr brenhin.
ac e| hunein herwyd kyfreith a attebant.
Wyth pynuarch brenhin ynt. mor. a
diffeith brenhin. ac echenaỽc estron+
aỽl yn kerdet tir y brenhin. a lleidyr. a
marỽ·ty. dyn a uo marỽ o agheu deissyf+
yt. brenhin bieu ran y marỽ or da oll. ac
ny cheiff dim o ran y meibon ar wreic.
Ebediỽ
| « p 15r | p 16r » |