LlGC Llsgr. Peniarth 36A – tudalen 43r
Llyfr Blegywryd
43r
yn yr yt ar ffon. ac a latho y maes or yt
talet. Gỽydeu a gaffer yn llygru yt trỽy
yscubaỽr neu trỽy ytlan. gỽascer gỽialen
ar eu mynygleu a gatter yno hyny vỽynt
veirỽ. Y neb a gaffo iar yn| y ard lin neu
yn| y yscubaỽr dalyet y iar hyny dylligho
y pherchen hi o ỽy. Ac or deily y keilaỽc;
torrret* ewin idaỽ a gollyget ef yn ryd.
neu gymeret ỽy o pob iar oc a uo yn| y ty.
Y neb a dalyo kath yn llygotta yn| y
ard lin. talet y pherchenhaỽc y llỽgyr.
Y neb a gaffo lloi yn| y yt; dalyet ỽynt or
pryt y gilyd. ac yna gollyget ỽynt yn ryd.
heb laeth eu mameu. Or llygrir yt y
neb dyn yn emyl trefgord ac na chaffo
y perchenhaỽc daly vn llỽdyn arnaỽ; ky+
meret ef y creir a doet yr tref ac or tygant
lỽ diarnabot; talent y rif llỽdyn. Ar gyfre+
ith honno a elwir telhitor gỽedy halaỽc lỽ.
Or deily dyn yscrybyl aghynefin ar y yt
neu ar y weir. ac ymlad or yscrybyl yn| y
gỽarchae a llad o lỽdyn y llall. perchenhaỽc
| « p 42v | p 43v » |