LlGC Llsgr. Peniarth 38 – tudalen 55r
Llyfr Blegywryd
55r
hynny ny dyly y brenhin. atteb dros y vraỽtỽr am
yr hyn a|ỽnel y|maes o|e ỽassanaeth dylyedus Tri
ryỽ varn tremyc yssyd. vn yỽ barn o roder yn erb ̷+
yn dyn nys clyỽho pan datganer yn gyntaf yn|y
llys nac ympell nac yn|agos y bei yna. Os yn ag+
os y|bei; y righyll a|dylyei y|alỽ mal y|clyỽei y|varn
a|rodit arnaỽ. Os ymhell y bei; y|aros a|dylyit hyt
pan ymdangossei yn|y llys o|r gellit y gaffel yn a+
mseraỽl ỽrth gyfreith. Eil yỽ braỽt a|roder ar
dyn kydrychaỽl trỽy ỽrthtrymder o|pleit y|bren+
hin. neu y braỽtỽr neu ỽyr y|llys. Trydyd yỽ ba+
rn braỽtỽr anheilỽg. Tri dyn ny eill vn ohon+
unt bot yn vraỽtỽr teilỽg o|gyfreith. vn yỽ dyn
anafus. megys dall. neu vidar. neu glafỽr. neu
dyn gorbỽyllaỽc. sef yỽ hỽnnỽ dyn a|orffo y|rỽy+
maỽ vnỽeith am y ynuytrỽyd. neu dyn ny|allo
dyỽedut yn iaỽn. megys cryc anyanaỽl. Eil yỽ
dyn eglỽyssic rỽymedic ỽrth vrdeu kyssegredic
neu ỽrth grefyd. Trydyd yỽ lleyc heb allu o|gyfr+
eith idaỽ varnu o vreint tir neu o vreint sỽyd O
teir fford y|gellir gỽrthot braỽtỽr teilỽg. vn yỽ o|e
| « p 54v | p 55v » |