LlGC Llsgr. Peniarth 45 – tudalen 186
Brut y Brenhinoedd
186
pendragon caryat eigyr. A galỽ attaỽ
ulffin o ryt caradaỽc y gyt uarchaỽc
a menegi idaỽ y uedỽl yn|y wed hon;
Dioer heb ef. maỽr yỽ ynof|i caryat ei+
gyr. Ac nyt diheu genhyf na chollỽyf
uy eneit Ony chaffaf y wreic ỽrth uyg
kyghor. Ac vrth hynny dyro ym gyg+
hor trỽy yr hỽn y gallỽyf i llewi uy ewy+
llis. Can gỽn uy abballu ony|s caffa. ~
Ac yna y dywaỽt ulffin. Arglỽyd heb ef
pỽy a alli* rodi kyghor yti pryt na bo
fford yd|ymgaffer a|hi Castell y mae
hi yndaỽ yssyd ar pen carrec yn|y weil+
gi yn cayedic o|r mor o bobtu idaỽ. Ac
nyt oes neb ryỽ fford y galler dyuot
idaỽ na mynet o·honaỽ. Namyn ar hyt
ethrykyng carrec kyuyng yssyd o|r castell
hyt y tir. Ar carrec honno. Trywyr
aruaỽc a|e catwei rac holl teyrnas. ynys.
prydein. Ac eissoes heb yr ulffin pei myrdin
a rodhei y weithret vrth dy uedỽl di
mi a|tebygaf y gallut caffel y wreic
vrth dy gyghor. Ac o|r lle Erchi a|wna+
eth y brenin. dyuynnu merdin attaỽ Canys
yn|y llu yd oed. AC gỽedy y dyuot Erchi
a wnaeth y brenin. idaỽ kyghor trỽy yr hỽn
| « p 185 | p 187 » |