LlGC Llsgr. Peniarth 45 – tudalen 271
Brut y Brenhinoedd
271
gyn o estraỽn kenedyl a chwitheu gwedy
aỽch dihol yn waradỽydus. A phob kenedyl y+
n|y* aỽch kylch yn amdiffyn y gỽlat yn ỽraỽl
a ryuedu gỽlat kyn gadarnhet ac ynys prydein.
Na ellỽch chwitheu y hamdiffyn rac saesson
a chynt a uydynt arglỽydi ar yr holl ynys+
sed yn|y kylch. Ac ny bu un kenedyl a allei
ỽrthỽynebu udunt Eithyr gwyr ruuein
a|gymhellassant yn|y diwed o·honi yn war+
adỽydus gỽedy llad eu tywyssogyon yn
llỽyr. Ac eissoes er pan duc maxen wledic
a chynan meirydaỽc y dyledogyon o·honi hyt
y wlat hon. Ny bu yno hayach a allei ky+
nydu breint idi dracheuyn. A chet bei rei
a kynydei beth idi. Ereill a collei hynny
eilweith. A dolur yỽ genhyf aỽch gwander
Canys un kenedyl ym. A bryttaneit yn
gelwir mal chwitheu. Ar wlat a welỽch
chwi yma. ydym ni yn|y hamdiffyn yn
ỽraỽl rac estraỽn kenedyl; ~ ~ ~ ~
AC gwedy daruot y selyf dywedut. ~
yd attebaỽd Catwallaỽn yr brenin. ual hyn.
Arglỽyd heb ef Duỽ a|talho y ti adaỽ nerth
ymi y keissaỽ uyg kyuoeth dracheuyn. A
minheu a|e diolchaf os gallaf. yr hyn
| « p 270 | p 272 » |