LlGC Llsgr. Peniarth 46 – tudalen 143
Brut y Brenhinoedd
143
ppom eỽyllys y|brenhin ymdanam. a|dyỽe+
dut yn bot a|chennadỽri genhyn|i y|gan
amheraỽdyr rufein. at eudaf urenhin. ynys. prydein. a|chei+
ssỽn uelly tagneuedu ac ỽynt. ac ody+
na kymryt a|oruc meuryc deudegỽyr
o ỽyr aetuet eu hoet. adỽyn y gỽelet.
a doethyon. a|cheing o|r oliỽyd yn|y llaỽ
deheu y bop un onadunt a|dyuot a|ỽn ̷+
aethant ger bronn kynan. a gỽedy gỽe+
let o|r bryttannyeit y|gỽyr addỽyn hyn+
ny. ac arỽyd tagheued gantunt kyuo+
di a|ỽnaethant yn|y herbyn a|e haruoll
yn anrydedus. a|phann doethant ger bronn
kynan kyuarch gỽell idaỽ. a|e annerch y
gann sened rufein. a|menegi idaỽ ry|anuon
maxen. a|chennadỽri gantaỽ at eudaf
urenhin ynys. prydein. ac yna y gouynnỽys ky+
nan meirydaỽc pa achos yr doethoed llu
kymeint a|hỽnnỽ gantaỽ ef. ac nat oe+
dynt hỽy tebic y gennadeu. namyn y|e+
lynyon a|uyndynt anreithaỽ gỽladoed
| « p 142 | p 144 » |