LlGC Llsgr. Peniarth 46 – tudalen 283
Brut y Brenhinoedd
283
uoeth y|llall yn diymlad. y|r|deulu. Sef achos y
knigyaỽd hynny. gỽr aruthyr oed ffrollo. ac
anuedraỽl y|gedernyt. a|e leỽder. a|e deỽred. a|the+
bygu a ỽnaei y|goruydei ar arthur. a|chael
rydhau y|bobyl. a|llaỽen uu gann arthur y|genna+
dỽri honno. a|gỽedy cadarnhau hynny y·ry ̷ ̷+
dunt. ỽynt a|deuthant hyt y|myỽn ynys
oed yn|yr auon odieithyr y|caer ac eu lluoed
o|bop parth yn edrych pa damỽein a|uei yryd ̷ ̷+
unt. a|gỽedy y|dyuot yn gyỽeir o arueu ar
deu uarch anryued y kedernyt. mal nat oed
haỽd gỽybot pwy a|gaffei y|uudugolyaeth.
ac odyna gossot a|ỽnaeth pob un yn|y gilyd.
o|e holl nerthoed. Sef a|oruc arthur gan ochel
dyrnnaỽt ffrollo. gossot arnaỽ ef y|goruchel+
der penn y|uron yny yttoed y|uarch y|r llaỽr.
ac yn gyfulym kyuod a|oruc ynteu a|gossot
ar|uarch arthur a|chledyf yny syrthỽys y|r
llaỽr. a|phann ỽelas y bryttannyeit eu bren+
hin yn syrthaỽ. breid uu y|lludyas y|torri
y|kygreir. ac ar hynny nachaf arthur ynn
kyuodi. ac yn dyrchauel y|taryan yn erbyn
| « p 282 | p 284 » |