LlGC Llsgr. Peniarth 46 – tudalen 308
Brut y Brenhinoedd
308
ganhorthỽy y ỽyr ruuein. ac yna y|kymellỽ+
yt y bryttannyeit ar ffo y|r coet. ac nyt hep
ỽneuthur diruaỽr gollet y|ỽyr ruuein. ac
ar hynny nachaf bedỽyr ap mut a|phum
mil o|ỽyr aruaỽc gantaỽ yn borth y|r bryttan+
nyeit. ac yna ymhoelut a|ỽnaeth y|rei oed
yn ffo yn gyflym ar|y gelynyon. ac ny didor+
ynt y bryttannyeit pa damỽein a|darffei udunt
gann gael clot yn|y milỽryaeth. Doethach
hagen y|gỽnay ỽyr ruuein. canys pedreius oed
yn|y dysgu y ỽneuthur collet y|r bryttannyeit
ỽeitheu gann gilyaỽ ỽeitheu gann gyrchu.
ac yna y|dyỽat boso o|ryt ychen ỽrth y|get+
ymeithon yn|y ỽed honn. a|unbyn teulu
canys hep ỽybot yn brenhin y|dechreuassam
ni yr ymlad hỽnn. reidach yỽ y|ninheu y
ym·ỽeglyt rac yn dygỽydaỽ yn|y rann ỽae ̷+
thaf o|r ymlad. a cholli yn|gỽyr a|gỽaradỽy+
daỽ yn brenhin. ac ỽrth hynny ymlynnỽn
ỽyr ruuein y|edrych a atto duỽ cael pedreius
a|e lad a|e daly. ac o un|uryt kyrchu a|ỽnae ̷ ̷+
thant hyt y|lle yd oed pedreius yn dysgu y|get+
ymdeithon. a dodi y laỽ a|ỽnaeth boso dros y ̷
| « p 307 | p 309 » |