LlGC Llsgr. Peniarth 6 rhan iv – tudalen 43
Geraint
43
hori am hynny heb hi. Mi a|wnaf itt na bo reit itt vot
yn trist beth bynhac vo y|marchaỽc racco na byỽ na
marỽ. Y Mae imi iarllaeth da. ti a geffy honno y|th ved ̷+
yant a minheu gyt a hi. heb ef. A byd lawen hyfryt
bellach. Na vydaf lawen heb hi y|m kyffes duỽ tra uỽyf
uyỽ bellach. Dyret y uỽyta heb ef. nac af yrof|i a duỽ
heb hi. Deuy yrof|i a duỽ heb ef. A|e dỽyn gyt ac ef y|r bord
o|e hanuod. Ac erchi idi yn vynych uỽytta. Na vỽytta ̷+
af y|m kyffes y duỽ heb hi. hyny uỽyttao y gỽr yssyd ar
yr elor racco. Ny elly ti gywyraỽ hynny. y gỽr racco
neut marỽ hayach. Mi a|brofaf y allu heb hi. Sef a oruc
kynnic ffioleit idi. yf y ffioleit hon heb ef. ac ef
a amgena dy synhỽyr. Mefyl im heb hi os yfaf|i hyny
hyfho ynteu. Je heb yr iarll nyt gỽell imi vot yn hy+
gar ỽrthyt ti no bot yn anhygar. A rodi bonclust idi.
Sef a oruc hitheu dodi diaspat arucheldost. A doluryaỽ
yn uỽy yna o alar yn uỽy no chynt no hynny. A dodi y+
dan y medỽl. bei byỽ Gereint. na bonclustit hi velly. Sef a
oruc gereint yna datlewygu o datsein y diaspat. a chyfodi
yn|y eisted a chaffel y|gledyf ym plyc y taryan. A dỽyn
ruthyr yn|yd oed yr iarll. a|e taraỽ dyrnaỽt eidiclym
gỽenỽynictost katarnffer y|gwarthaf y pen hyny
holltes ynteu. Ac yny hetteil y bỽrd y cledyf. Sef a oruc
paỽb yna adaỽ y byrdeu a ffo allan. Ac nyt ofyn y gỽr
byỽ uỽyhaf oed arnadunt. namyn gỽelet y gỽr marỽ
yn kyfodi y eu llad. Ac edrych a oruc gereint yna ar enyd.
A dyuot yndaỽ deu dolur. vn o·honunt gỽelet enyd gỽe ̷+
dy colli y lliỽ a|e gỽed. A|r eil o·nadunt gỽybot ohonaỽ
| « p 42 | p 44 » |