LlGC Llsgr. Peniarth 9 – tudalen 43r
Ystoria Carolo Magno: Can Rolant
43r
noy welet inheu. Pan deloch hagen y ffreinc
annerchỽch o|m|parthret i vygỽreic a baỽtwin
vy mab. ac val y dylyỽch y chwi cadỽ ketdymde+
ithas a mi·vi yn varỽ val yn vyỽ. Mi a adolyg+
af y chwi kadỽ yr vn gedymdeithas honno ac
ỽyntỽy. A minheu a odylygaf ac ychwi ac ud+
unt hỽy canỽrthỽyaỽ vy eneit o sallỽyreu. ac
efferenneu. a rodi dillat y noyth a bỽyt y newy+
naỽc. Ac yn ol yr ymadrodyon hyny gỽen+
wlyd a gerdỽys gan y gedymdeithyon y gyt
a chenadeu y pagannyeit. A dryc·yruerth a gym+
erth y gedymdeithyon a|y dylỽyth ymdanaỽ.
kynt|bỽy|kynt dedwyd a donyaỽc dywyssaỽc
ymhoyl attam dracheuyn yn yach bychan
y|th garei a|th anuones yr hynt hon. Bych+
an heuyt y|th carei rolond dy lysuab pan y|th
detholes y neges mor berrigyl a hon. Les o+
yd idaỽ ef hagen pei delut ti dracheuyn ymi
iach lles oyd idaỽ heuyt na|chyuarffei ac ef
gan varsli sarhaet na cham na chollet kanys
y|gan genedyl gymeint ry gerdyssei ac na
eill charlymayn y hun diffryt rolond rag aghe+
u y gennym ni ony deuy di yn iach attam
ni ac yn dibryder ac* yn* dibryder* cỽpleych
dy negesseu. A chyuarystlys a gỽenwlyd
y marchoges blacand yn wahanedic y ỽrth
y paganyet* ereill val oc eu blayn ac ymdi+
dan ac ef val hyn yn ystrywus. llawer a
a* vlinha kybyddyayth heb ef yr hỽn ny
| « p 42v | p 43v » |