Caergrawnt, Llsgr. Coleg y Drindod O.7.1 – tudalen 22v
Llyfr Blegywryd
22v
OR lledir ki neu or dygir led ̷+
rat; camlỽrỽ a telir drostaỽ.
Dros ki kyndeiraỽc. na thros y
drỽc a|wnel. ny diwygir dim. llỽ
vn dyn yssyd cỽbyl y wadu ki.
Gỽerth keneu gellgi brenhin kyn
a·gori y lygeit. pedeir ar|hugeint
yn|y growyn ỽyth a deugeint. yn|y
gynllỽst. vn ar pymthec a phetwar
vgeint. Yn|y ofer hely weugeint.
Pan uo kyfrỽys punt. Sef a tal
milgi brenhin or dechreu hyt y di+
wed. hanher kyfreith gellgi brenhin
gogyfoet ac ef. Y neb a torro llygat
gellgi brenhin. neu y loscỽrn. talet
pedeir keinhaỽc kyfreith yg|kyfeir
pob buch a talho y ki yr brenhin.
Un anefeil a a o pedeir keinhaỽc
y punt yn vn dyd; gellgi. Os tayaỽc
bieiuyd y bore. pedeir keinhaỽc cot+
ta vyd y werth. Ac or rodir yr brenhin
y dyd hỽnnỽ punt a tal. Amỽs yn
pori allan a milgi heb torch. colli
eu breint a|wnant. Unwerth yỽ gell ̷+
gi breyr. a milgi brenhin gogyfoet
| « p 22r | p 23r » |