Caergrawnt, Llsgr. Coleg y Drindod O.7.1 – tudalen 47r
Llyfr Blegywryd
47r
Y neb a talho neu a wertho llo neu
dinawet. meichet dros y dilysrỽyd.
A bit dros y deu glefyt. rac y dery
tri dieu a their nos. Ac rac y clafri
o ỽyl yr holseint hyt ỽyl patric. y neb
y del idaỽ. ny dyly eu dỽyn ymplith
aniueileit clafỽr. nac y ty y bei ani ̷+
ueileit clafỽr yndaỽ seith mlyned
kyn no hynny. Y neb a latho anef ̷+
eil dyn arall yn|y uuarth yn llet ̷+
rat a hynny yn honneit. talet yn
deudyblyc. Ac os gỽatta; gỽadet ar
y petwyryd ar|hugeint oe gyfnes ̷+
seiueit. Y neb a gymero a·bo llỽdyn
dyn arall; heb y ganhat. talet drostaỽ
lỽdyn arall vn ryỽ ac ef. A thri bu
camlỽrỽ yr brenhin. Y neb a gyll ̷+
ello aneueil marỽ dyn arall. talet
anefeil arall drostaỽ vn ryỽ ac ef;
a their bu camlỽrỽ yr brenhin.
Gỽerth ebaỽl or pan anher hyt
aỽst; pedeir keinhaỽc kyfreith. yỽ.
hyt racuyr; deudec keinhaỽc. hyt
galan whefraỽr; deu·naỽ keinhaỽc
| « p 46v | p 47v » |